QR Code

ہنگو کے مرکزی بازار میں بم دھماکہ، 2 افراد جاں بحق، 13 زخمی

8 May 2013 17:14

اسلام ٹائمز: پولیس کے مطابق دھماکہ ریلوے روڈ پر شہر کے مرکزی بازار میں ہوا۔ جہاں دہشت گردوں نے سبزی کے ایک ٹھیلے میں بم نصب کر رکھا تھا۔

اسلام ٹائمز۔ خیبر پختونخوا کے ضلع ہنگو میں آج دوسرے روز بھی دہشتگردی کا سلسلہ جاری رہا۔ ہنگو کے مرکزی بازار میں ہونے والے بم دھماکہ کے نتیجے میں 13 افراد زخمی جبکہ 2 جاں بحق ہوگئے۔ پولیس کے مطابق دھماکہ ریلوے روڈ پر شہر کے مرکزی بازار میں ہوا۔ جہاں دہشت گردوں نے سبزی کے ایک ٹھیلے میں بم نصب کر رکھا تھا۔ جو زار دار دھماکے سے پھٹ گیا۔ دھماکے سے بازار میں خریداری کرنے والے 15 افراد زخمی ہوگئے۔ جنہیں فوری طور پر ہنگو اسپتال منتقل کردیا گیا۔ جہاں دو زخمی دم توڑ گئے۔ پولیس کے مطابق دھماکے میں 8 کلو بارودی مواد استعمال کیا گیا۔ مقامی ذرائع کے مطابق جاں بحق ہونے والے افراد اہلسنت تھے، جبکہ زخمیوں میں اہل تشیع اور اہلسنت دونوں شامل ہیں۔ واضح رہے کہ گزشتہ روز ہنگو میں ہی جمعیت علمائے اسلام کی ریلی میں خودکش حملہ ہوا تھا۔

خبر کا کوڈ: 261684