اسلام ٹائمز۔ ماڑی پور روڈ پر نامعلوم افراد کی فائرنگ سے ایڈووکیٹ کوثر ثقلین اور ان کے دو بچوں کے قتل پر شیعہ جماعتوں کی جانب سے اظہار مذمت کیا گیا۔ رہنماؤں نے قاتلوں کو فوری گرفتار کرنے کا مطالبہ کیا ہے۔ تفصیلات کے مطابق ماڑی پور روڈ پر نامعلوم افراد کی فائرنگ سے کوثر ثقلین کے قتل کیخلاف شیعہ جماعتوں مجلس وحدت مسلمین، شیعہ علما کونسل، جعفریہ الائنس، آئی ایس او و دیگر نے اظہار مذمت کرتے ہوئے حملہ آوروں اور قاتلوں کو فوری گرفتار کرنے کا مطالبہ کیا ہے۔ شیعہ علماء کونسل کے رہنما علامہ جعفر سبحانی، مجلس وحدت مسلمین کے صوبائی سیکریٹری اطلاعات ناصر حسینی و دیگر نے حکومت سے مطالبہ کیا ہے کہ قاتلوں کو فوری گرفتار کر کے قرار واقع سزا دی جائے۔

اسلام ٹائمز