اسلام ٹائمز۔ سعودی عرب حزب اللہ کا ساتھ دینے والے لبنانی باشندوں کو ملک بدر کر دے گا۔ غیر ملکی خبر رساں ادارے کے مطابق لبنان میں سعودی سفارت کار علی عواد اسیری نے کہا کہ صرف ان لبنانی شہریوں کو سعودی عرب سے نکالا جائے گا جنہوں نے حزب اللہ کو مالی تعاون فراہم کیا ہے۔ ان کا کہنا تھا کہ سعودی حکومت نے یہ فیصلہ شام میں حکومت کے خلاف برسرپیکار القائدہ کے دہشت گردوں کی حمایت اور شامی حکومت کے حوالے سے حزب اللہ کے کردار کو دیکھتے ہوئے کیا ہے، تاہم انہوں نے یہ نہیں بتایا کہ ملک بدری کا عمل کب شروع کیا جائے گا۔ واضح رہے کہ سعودی عرب میں ہزاروں کی تعداد میں لبنانی باشندے روزگار کے لئے مقیم ہیں۔

اسلام ٹائمز