QR Code

وزراء ارکان اسمبلی بیوروکریٹس پر چیک کیلئے احتساب سیل بنائیں گے، عمران خان

25 Jun 2013 12:01

اسلام ٹائمز: تحریک انصاف کے چیئر مین عمران خان نے کہا ہے کہ دہشت گردی کیخلاف جب تک قوی پالیس نہیں بنائی جاتی اس کا خاتمہ ممکن نہیں۔ دہشت گردی کے خاتمے اور امریکی جنگ سے نکلنے کیلئے قوی پالیسی بنانا وفاقی حکومت کا کام ہے۔ خیبر پختونخوا آزاد کمیشن کے تحت احتساب سیل بنایا جائیگا جو تمام وزراء ، اراکین اسمبلی ، اتحادی جماعتوں کے وزراء اور بیوروکریٹس پر نظر رکھے گا ۔

اسلام ٹائمز۔ وزیر اعلیٰ سیکرٹریٹ پشاور میں پریس کانفرنس سے عمران خان خطاب کرتے ہوئے کہا کہ ہم ملک و آئین کے بالادستی چاہتے ہیں۔ پرویز مشرف سمیت ہر شخص کیلئے قانون ایک جیسا ہونا چاہیئے۔ اس موقع پر وزیر اعلیٰ پرویز خٹک ، مرکزی رہنما تحریک انصاف جہانگیر ترین، صوبائی وزراء سمیت دیگر بھی موجود تھے۔

عمران خان نے کہا کہ میاں نواز شریف کو چاہیئے کہ جلد از جلد تمام جماعتوں کے سربراہوں کو بلائیں۔ کہ وہ بریفنگ دیں کہ ملک میں کیا ہورہا ہے جسکے بعد حالات سے نمنٹنے کیلئے ایک قومی پالیسی بنائی جائے۔ انہوں نے کہا کہ جب تک ہم امریکی جنگ سے نہیں نکلیں اور ڈرون حملے نہیں روکیں گے دہشت گردی بھی ختم نہیں ہوگی۔ ڈرون حملوں نے عوام کا سبوتاژ کردیا۔

عمران خان نے کہا کہ کرپشن کے خلاف بھی جنگ لڑنی ہے۔ صوبے میں آزاد کمیشن احتساب کیلئے بنایا جائے گا۔ جو تمام حکومتی عہدیداروں اور سرکاری افسران پر نظر رکھے گا۔ تمام وزراء ، مشیروں ، معاونین اور سینئر بیوروکریٹس کے اثاثے ویب سائٹ پر شائع کئے جائیں گے۔

خبر کا کوڈ: 276541