QR Code
اے این پی اور جمعیت کے درمیان ضمنی انتخابات کیلئے غیر اعلانیہ اتحاد
30 Jun 2013 16:45
اسلام ٹائمز: اے این پی اور جمعیت کے درمیان اتفاق ہواہے کہ اس اتحاد میں مسلم لیگ ن کو بھی شامل کیا جائے گا تاہم مسلم لیگ ن صوبے میں ان کی حمایت کیلئے ایک نشست کا مطالبہ کریگی۔
اسلام ٹائمز۔ خیبر پختونخوا میں ضمنی انتخابات میں کامیابی حاصل کرنے کے لئے جے یو آئی اور اے این پی کے درمیان اصولی طور پر اتنخابی اتحاد ہواہے۔ تاہم اسکا باقاعدہ اعلان آئندہ چند دنوں میں کردیا جائیگا۔
غیر اعلانیہ انتخابی اتحاد میں طے ہواہے کہ قومی اسمبلی حلقہ این اے ون پشاور اور این اے 5 نوشہرہ اور پی کے 23 مردان میں جے یوآئی اور اے این پی ، این اے 13 صوابی ، این اے 25 ٹانک، این اے 27 لکی مروت ، پی کے 27 مردان، پی کے 42 ہنگو اور پی کے 70 بنوں پر جے یو آئی کے امیدواروں کی حمایت کریگی اے این پی اور جمعیت کے درمیان اتفاق ہواہے کہ اس اتحاد میں مسلم لیگ ن کو بھی شامل کیا جائے گا تاہم مسلم لیگ ن صوبے میں ان کی حمایت کیلئے ایک نشست کا مطالبہ کریگی۔ اپوزیشن جماعتوں پر مشتمل انتخابی اتحاد کے لئے قائدین کی سطح پر بات چیت ہوئی ہے اپوزیشن جماعتوں کا مقصد تحریک انصاف کا راستہ روکنا ہے۔
خبر کا کوڈ: 278241