QR Code

سرگودھا کی عدالت نے شیعہ جوان قیصر عباس کو سزائے موت سنادی

10 Jul 2013 15:02

اسلام ٹائمز: ذرائع کا کہنا ہے کہ اس مقدمہ میں کالعدم فرقہ پرست جماعت دوران تفتیش اثر انداز ہوتی تھی، جس کی وجہ سے عدالت نے یہ فیصلہ دیا۔ مجلس وحدت مسلمین کے رہنماء علامہ اصغر عسکری نے قیصر عباس کو سزائے موت سنانے کی شدید الفاظ میں مذمت کی ہے۔

اسلام ٹائمز۔ ڈیرہ اسماعیل خان کے رہائشی شیعہ جوان قیصر عباس بلوچ کو انسداد دہشتگردی سرگودھا کی عدالت نے دریا خان قتل کیس میں سزائے موت سنا دی ہے۔ قیصر عباس بلوچ ضلع ڈیرہ اسماعیل خان کے علاقہ بستی ڈیوالہ سے تعلق رکھتے ہیں، انہیں سنوکر کلب دریا خان قتل کے واقعہ میں سرگودھا کی انسداد دہشتگردی عدالت نے سزائے موت سنا دی ہے۔ واضح رہے کہ رانا عقیل قتل کیس میں سید منیر حسین شاہ کو سرگودھا کی انسداد دہشتگردی کی عدالت نے پہلے ہی سزاء موت سنا رکھی ہے۔ ایک سال قبل ڈیرہ اسماعیل خان شوگر ملز کے قریب سے قیصر عباس کو گرفتار کیا گیا تھا۔ واضح رہے کہ قیصر عباس کا ایک اور بھائی ظفر عباس بھی ایک کیس میں گرفتار ہے۔ جبکہ دوسرے بھائی کیخلاف بھی بے بنیاد مقدمات قائم ہیں۔ ذرائع کا کہنا ہے کہ اس مقدمہ میں کالعدم فرقہ پرست جماعت دوران تفتیش اثر انداز ہوتی تھی، جس کی وجہ سے عدالت نے یہ فیصلہ دیا۔ مجلس وحدت مسلمین کے رہنماء علامہ اصغر عسکری نے قیصر عباس کو سزائے موت سنانے کی شدید الفاظ میں مذمت کی ہے۔

خبر کا کوڈ: 281366