QR Code

علامہ عبدالخالق اسدی کی شیخ منظور اور انکے صاحبزادے کے قتل کے واقعہ کی مذمت

4 Aug 2013 06:11

اسلام ٹائمز: اپنے مذمتی بیان میں ایم ڈبلیو ایم پنجاب کے سیکرٹری جنرل کا کہنا تھا کہ دہشتگردی کے حالیہ واقعات پیغام دے رہے ہیں کہ ہم اپنے داخلی اتحاد کو مزید فروغ دیں۔

اسلام ٹائمز۔ مجلس وحدت مسلمین پنجاب کے سیکرٹری جنرل علامہ عبدالخالق اسدی نے رحیم یار خان میں شیعہ علماء کونسل بہاولپور ڈویژن کے صدر شیخ منظور حسین اور ان کے صاحبزادے حیدر علی کے بیہمانہ قتل پر گہرے رنج و غم کا اظہار کرتے ہوئے کہا ہے کہ جنوبی پنجاب میں تکفیریوں نے ایک مربتہ پھر شیعیان علی (ع) کیخلاف محاذ کھول دیا ہے، دہشتگردی کے اس واقعہ میں پنجاب حکومت برابر کی ذمہ دار ہے۔ علامہ اسدی نے کہا کہ تکفیریوں کو جنوبی پنجاب میں کھلی چھٹی دے کر پنجاب حکومت نے شیعہ دشمنی کا ثبوت دیا ہے۔ شہداء کے خون کو رائیگاں نہیں جانے دینگے، ملت جعفریہ ایک جسم کے مانند ہیں، مجلس وحدت مسلمین خانوادہ شہداء کے اس غم میں برابر کی شریک ہے۔ ان کا کہنا تھا کہ دہشتگردی کے حالیہ واقعات پیغام دے رہے ہیں کہ ہم اپنے داخلی اتحاد کو مزید فروغ دیں، کیونکہ عالمی سازش کا مقابلہ ایک قوم بن کر کیا جاسکتا ہے۔

خبر کا کوڈ: 289547