QR Code

لاہور میں تحریک انصاف کے رہنما حماد اظہر کی گاڑی پر دہشت گردوں کی فائرنگ

25 Aug 2013 19:04

اسلام ٹائمز:حماد اظہر سابق گورنر پنجاب اور تحریک انصاف کے سینئر رہنما میاں اظہر کے صاحبزادے ہیں، فائرنگ کے واقعے کیخلاف حماد اظہر کی طرف سے تھانہ اسلام پورہ میں درخواست جمع کرا دی گئی ہے۔ وزیراعلیٰ پنجاب نیواقعے کا نوٹس لیکر رپورٹ طلب کرلی ہے۔

اسلام ٹائمز۔ تحریک انصاف کے رہنما حماد اظہر کی گاڑی پر فائرنگ کی گئی لیکن خوش قسمتی سے وہ محفوظ رہے۔ حماد اظہر کے مطابق وہ سنت نگر میں اپنے آبائی گھر جا رہے تھے کہ 2 نامعلوم موٹرسائیکل سوار دہشت گردوں نے ان کی گاڑی پر فائرنگ کر دی تاہم وہ محفوظ رہے۔ فائرنگ سے حماد اظہر کی گاڑی کو معمولی نقصان پہنچا۔ حماد اظہر سابق گورنر پنجاب اور تحریک انصاف کے سینئر رہنما میاں اظہر کے صاحبزادے ہیں، فائرنگ کے واقعے کیخلاف حماد اظہر کی طرف سے تھانہ اسلام پورہ میں درخواست جمع کرا دی گئی ہے۔ وزیراعلیٰ پنجاب نے واقعے کا نوٹس لیکر رپورٹ طلب کر لی ہے۔

خبر کا کوڈ: 295594