QR Code

گلگت میونسپل لائبریری کے ملازمین دوسالوں سے ترقی کے منتظر

13 Sep 2013 18:09

اسلام ٹائمز: ترقیوں سے متعلق درخواست 2 سالوں سے فنانس ڈیپارٹمنٹ میں سرد مہری کا شکار ہے جسکی وجہ سے ملازمین میں سخت بےچینی اور احساس محرومی پیدا ہو گیا ہے۔

اسلام ٹائمز۔ میونسپل پبلک لائبریری گلگت کے ملازمین کی ترقیوں سے متعلق درخواست 2 سالوں سے فنانس ڈیپارٹمنٹ میں سردمہری کا شکار ہے جسکی وجہ سے ملازمین میں سخت بےچینی اور احساس محرومی پیدا ہوگئی ہے۔ 2 سال قبل امریکی کونصلیٹ اسلام آباد کے نمائندوں اور لوکل گورنمنٹ گلگت بلتستان نے ملکر پبلک لائبریری کو اپ گریڈ کرنے کیلئے مذکورہ ملازمین کو پی ڈی سی این میں ٹریننگ دی تھی جہاں ملازمین کورس مکمل کر نے کے بعد لائبریری میں خدمات سر انجام دے رہے ہیں لیکن ترقیوں سے متعلق درخواست جسے سابق ڈپٹی کمشنر گلگت اسد ضامن کی سرپرستی میں لوکل گورنمنٹ سے منظور کرایا گیا تھا لیکن محکمہ خزانہ نے درخواست کو سرد خانے میں ڈال دیا جس باعث لائبریری میں اپنی خدمات سرانجام دینے والے ملازمین میں بددلی پیدا ہو گئی ہے ملازمین نے چیف سیکرٹری سے مطالبہ کیا ہے کہ انہیں انکا حق دلایا جائے۔

خبر کا کوڈ: 301451