QR Code

فیسوں میں اضافے کا مقصد طبقاتی نظام تعلیم کا فروغ ہے، اطہر عمران

11 Oct 2013 20:06

اسلام ٹائمز:گلگت میں قراقرم یونیورسٹی کے طلباسے خطاب کرتے ہوئے مرکزی صدر آئی ایس او کا کہنا تھا کہ حکومتوں کی طرح اس حکومت نے بھی تعلیمی مسائل حل کرنے کے اعلانات کیے ہیں جو کہ پورے ہوتے نظر نہیں آتے،نئے تعلیمی ادارے بنانے کے ساتھ ساتھ پُرانے اداروں کی اپ گریڈیشن کا کام بھی مکمل کیا جائے۔

اسلام ٹائمز۔ امامیہ اسٹوڈنٹس آرگنائزیشن پاکستان کے مرکزی صدر اطہر عمران طاہر نے کہا ہے کہ یکساں نظام تعلیم ہی بہترین معاشرے کا ضامن ثابت ہو سکتا ہے، باقی شعبوں کی طرح اس مقدس اور انبیاء کے شعبے کے ساتھ خیانت حکمرانوں کی نابودی کا سبب بنے گی۔ ان خیالات کااظہار اُنہوں گلگت میں قراقرم یونیورسٹی اور دیگر تعلیمی اداروں کے طلباء سے خطاب کرتے ہوئے کیا۔ اطہر عمران طاہر کا مزید کہنا تھا کہ تعلیمی اداروں میں رشوت مافیا کی بڑھتی ہوئی جڑیں تعلیمی اداروں کو کھوکھلا کر رہی ہیں، فیسوں میں بے تحاشا اضافہ طبقاتی نظام تعلیم کو فروغ دینا ہے، جب تک دیگر شعبوں کی طرح تعلیم کے مسائل اور اساتذہ کو درپیش مشکلات حل نہیں کی جاتیں پاکستان کا تعلیمی نظام درست سمت نہیں چل سکتا۔ اُنہوں نے مزید کہا کہ دیگر حکومتوں کی طرح اس حکومت نے بھی تعلیمی مسائل حل کرنے کے اعلانات کیے ہیں جو کہ پورے ہوتے نظر نہیں آتے،نئے تعلیمی ادارے بنانے کے ساتھ ساتھ پُرانے اداروں کی اپ گریڈیشن کا کام بھی مکمل کیا جائے۔

خبر کا کوڈ: 310371