QR Code
محرم الحرام کے حوالے سے خیبر پختونخوا پولیس کا اہم اجلاس
30 Oct 2013 19:54
اسلام ٹائمز: حکمت عملی ترتیب دے دی گئی ہے۔ جس کے مطابق جلوس کے راستوں کو سراغ رساں کتوں کے ذریعے سے چیک کرنے کے بعد جلوس معینہ راستوں سے گزارنے کی اجازت ہوگی۔
اسلام ٹائمز۔ خیبر پختونخوا میں محرم الحرام کے دوران سیکورٹی خدشات کم کرنے کے لئے حکمت عملی ترتیب دے دی گئی ہے۔ جس کے مطابق جلوس کے راستوں کو سراغ رساں کتوں کے ذریعے سے چیک کرنے کے بعد جلوس معینہ راستوں سے گزارنے کی اجازت ہوگی۔ آئی جی پی خیبر پختونخوا ناصر خان درانی کے زیر صدارت محرم الحرام کی سیکورٹی کے حوالے سے ریجنل اور ضلعی پولیس افسران کا اجلاس منعقد ہوا۔ حساس اضلاع کے ڈی پی اوز نے امام بارگاہوں اور جلسوں کے حوالے سے بریفنگ دی۔ اس موقع پر ناصر درانی نے ہدایت جاری کی کہ امام بارگاہوں اور جلوسوں کے لئے سیکورٹی زون بنائے جائیں۔ سراغ رساں کتوں سے راستے چیک کئے جائیں۔ جلوس کے ساتھ بم ڈسپوزل یونٹ کی ٹیم فرائض انجام دے گی۔ تمام ماتمی جلوسوں کی ریکارڈنگ کی جائے گی، صوبے کے بالائی علاقوں میں پہاڑوں کے اوپر عملہ تعینات کیا جائیگا۔
خبر کا کوڈ: 315917