QR Code

سوشل میڈیا پر میرے نام سے بنائے گئے تمام اکاﺅنٹ جعلی ہیں، مفتی منیب الرحمن

20 Nov 2013 19:51

اسلام ٹائمز: اپنے ایک بیان میں مفتی اعظم پاکستان نے کہا کہ جو لوگ سوشل میڈیا پر میرے نام سے پیجز چلا رہے ہیں، ان سے درخواست کرتا ہوں کہ اِس طرح کے جھوٹے صفحات کے ذریعے کسی کی دل آزاری نہ کریں۔

اسلام ٹائمز۔ مفتی اعظم پاکستان مفتی منیب الرحمن نے کہا ہے کہ سوشل میڈیا پر کسی بھی قسم کا کوئی اکاﺅنٹ، پیج یا ویب پیج ان کی جانب سے نہیں بنایا گیا ہے، اس لئے اِس وقت جو صفحات Facebook یا Twiter یا کسی بھی قسم کی سوشل میڈیا ویب سائٹ پر جو پیجز موجود ہیں، وہ سب جعلی اکاﺅنٹ ہیں اور ان کا اس سے کوئی تعلق نہیں ہے۔ اپنے بیان میں مفتی منیب الرحمن نے کہا کہ کسی بھی ایسی تحریر سے جو ان صفحات پر ہو، اپنی برات کا اعلان کرتا ہوں اور جو لوگ اس طرح کے صفحے چلا رہے ہیں، ان سے درخواست کرتا ہوں کہ اِس طرح کے جھوٹے صفحات کے ذریعے کسی کی دل آزاری نہ کریں۔

خبر کا کوڈ: 322941