QR Code

متاثرین دیامر بھاشا ڈیم نے اسلام آباد میں طے شدہ معاوضے مسترد کر دیئے، نئے ریٹس مقرر کرنیکا مطالبہ

4 Dec 2013 19:51

اسلام ٹائمز: چلاس شہر میں ایک پرہجوم پریس کانفرنس سے خطاب کرتے ہوئے صدر متاثرین ڈیم کمیٹی دیامر احمد عالم سیکرٹری جنرل نوشاد عالم و دیگر نے کہاکہ اہلیان نے ملک کی بقا کی خاطر تاریخی قربانیاں دی ہیں لیکن کوئی شنوائی نہیں ہوئی۔

اسلام ٹائمز۔ متاثرین دیامر بھاشہ ڈیم کمیٹی نے معاہدہ اسلام آباد میں طے پانے والے ریٹس کو یکسر مسترد کرتے ہوئے کہا ہے کہ حکومت متاثرین ڈیم کو اعتماد میں لیکر نئے ریٹس متعین کرے۔ چلاس شہر میں ایک پرہجوم پریس کانفرنس سے خطاب کرتے ہوئے صدر متاثرین ڈیم کمیٹی دیامر احمد عالم سیکرٹری جنرل نوشاد عالم و دیگر نے کہا کہ اہلیان نے ملک کی بقاء کی خاطر تاریخی قربانیاں دی ہیں لیکن کوئی شنوائی نہیں ہوئی، انہوں نے کہا کہ متاثرین ڈیم کمیٹی نے چارٹر آف ڈیمانڈ تیار کیا ہے جس پر عملدرآمد یقینی بنائیں۔ انہوں نے کہا کہ ہم وفاقی حکومت سے بیٹھ کر مذاکرات کے ذریعے مسائل کا حل چاہتے ہیں اور حکومت سے مطالبہ کرتے ہیں کہ وہ اہلیان دیامر کے مسائل حل کریں۔ انہوں نے کہا کہ ڈیم کمیٹی میں دیامر کے تمام علاقوں چلاس ٹاؤن، بٹوخیل، تھک، نیاٹ، گینی، یس بالا، پائین،بونر، گونر فارم،اور گوہر آباد کو مکمل نمائندگی دی گئی ہے۔

خبر کا کوڈ: 327454