QR Code

کراچی سمیت سندھ بھر میں 24 گھنٹوں کیلئے موٹر سائیکل کی ڈبل سواری پر پابندی عائد

24 Dec 2013 01:01

اسلام ٹائمز: چہلم شہدائے کربلا (ع) کے موقع پر صوبے بھر میں سیکیورٹی کے انتہائی سخت انتظامات کئے گئے ہیں جبکہ آئندہ 10 روز کیلئے اسلحہ ساتھ لے کر چلنے پر پابندی عائد کر دی گئی ہے۔

اسلام ٹائمز۔ سندھ بھر میں 24 گھنٹوں کیلئے موٹر سائیکل کی ڈبل سواری اور آئندہ 10 روز کیلئے اسلحے ساتھ لے کر چلنے پر پابندی عائد کر دی گئی ہے۔ محکمہ داخلہ سندھ کی جانب سے جاری کردہ نوٹیفکیشن کے مطابق چہلم شہدائے کربلا (ع) کے موقع پر کراچی سمیت سندھ بھر میں آج رات 12 سے کل رات 12 بجے تک موٹر سائیکل کی ڈبل سواری پر پابندی ہوگی تاہم خواتین، بچے، برزگ اور صحافی اس پابندی سے مبرا ہوں گے۔ اس کے علاوہ آئندہ 10 روز تک اسلحے کی نمائش یا کسی بھی بھی قسم کا اسلحہ ساتھ لے کر چلنے پر بھی مکمل طور پر پابندی ہوگی۔ واضح رہے کہ شہدائے کربلا (ع) کے چہلم کے موقع پر صوبے بھر میں سیکیورٹی کے انتہائی سخت انتظامات کئے گئے ہیں اور اس موقع پر صوبائی حکومت نے وفاقی حکومت سے کراچی سمیت سندھ کے 6 شہروں میں موبائل فون سرور معطل کرنے کی بھی سفارش کی تھی۔

خبر کا کوڈ: 333639