QR Code

اسلام آباد میں ہونیوالے قومی امن کنونشن کی تیاریاں مکمل کرلی گئیں

3 Jan 2014 18:39

اسلام ٹائمز: کنونشن میں دہشتگردی کا نشانہ بننے والے شہداء کے لواحقین خصوصی طور پر شریک ہونگے۔ امن کنونشن میں دہشتگردی کیخلاف اور امن کے حق میں زوردار آواز اٹھائی جائیگی اور شہداء کے ورثاء کیساتھ یکجہتی کا اظہار کیا جائیگا۔

اسلام ٹائمز۔ سنی اتحاد کونسل اور مجلس وحدت مسلمین کے زیراہتمام پانچ جنوری کو کنونشن سنٹر اسلام آباد میں ہونے والے قومی امن کنونشن کی تیاریاں مکمل کر لی گئی ہیں اور کنونشن کا دعوت نامہ اہم قومی راہنماؤں کو پہنچا دیا گیا ہے۔ کنونشن میں دہشت گردی کا نشانہ بننے والے شہداء کے لواحقین خصوصی طور پر شریک ہوں گے۔ امن کنونشن میں دہشت گردی کے خلاف اور امن کے حق میں زوردار آواز اٹھائی جائے گی اور شہداء کے ورثاء کے ساتھ یکجہتی کا اظہار کیا جائے گا۔ کنونشن کی رابطہ کمیٹی کے رکن صاحبزادہ عمار سعید سلیمانی اور مفتی محمد سعید رضوی نے کہا ہے کہ حکمران دہشت گردوں کی منت سماجت چھوڑ کر ان کے خلاف کارروائی کریں، دہشت گردوں کے حامیوں کی ناز برداریاں کرکے شہداء کے لواحقین کے جذبات مجروح کئے جا رہے ہیں۔ شہداء کے ورثاء کے جذبات کی ترجمانی کے لیے پانچ جنوری کا کنونشن منعقد کیا جا رہا ہے۔

خبر کا کوڈ: 337123