QR Code

مسلح افواج کی قربانیاں قابل فخر ہیں

پوری قوم کو متحد ہونا پڑیگا، کوئی ایک جماعت یا ادارہ تنہا دہشتگردی کا خاتمہ نہیں کرسکتا، نواز شریف

4 Feb 2014 15:01

اسلام ٹائمز: نیشنل ڈیفنس یونیورسٹی اسلام آباد میں قومی سلامتی کورس کی گریجویشن تقریب سے خطاب میں وزیراعظم کا کہنا تھا کہ قوت برداشت اسلام کا اہم ترین جزو ہے۔ برداشت کی روایت کے بغیر معاشرے کی ترقی ممکن نہیں۔

اسلام ٹائمز۔ وزیراعظم نواز شریف کا کہنا ہے جمہوریت پاکستان کا مستقبل ہے کوئی جماعت یا ادارہ اکیلا دہشت گردی کا مسئلہ حل نہیں کرسکتا۔ پوری قوم کو متحد ہونا پڑے گا۔ قوم کو مسلح افواج کی قربانیوں پر فخر ہے۔ نیشنل ڈیفنس یونیورسٹی اسلام آباد میں قومی سلامتی کورس کی گریجویشن تقریب سے خطاب کرتے ہوئے وزیراعظم نواز شریف نے کہا ملک کو امن و امان اور اندرونی سلامتی کے مسائل کا سامنا ہے۔ ملک میں قانون کی حکمرانی چاہتے ہیں، قانون کی حکمرانی ہوگی تو سب کو انصاف ملے گا۔ وزیراعظم نے کہا جمہوریت ملکی ترقی کے لئے ناگزیر اور پاکستان کا اثاثہ ہے۔ نواز شریف نے کہا تمام پاکستانیوں کو عزت و آبرو کی زندگی گزارنے کا حق حاصل ہے۔ قوت برداشت اسلام کا اہم ترین جزو ہے۔ برداشت کی روایت کے بغیر معاشرے کی ترقی ممکن نہیں۔ انہوں نے کہا کوئی ایک جماعت یا ادارہ تنہا دہشت گردی کا خاتمہ نہیں کرسکتا، پوری قوم کو متحد ہونا پڑے گا۔ وزیراعظم نواز شریف نے نیشنل ڈیفنس یونیورسٹی کے عسکری اور غیر عسکری معیار کو سراہتے ہوئے کہا کہ قوم کو مسلح افواج کی قربانیوں پر فخر ہے۔

خبر کا کوڈ: 348261