QR Code

مہمند، باجوڑ ایجنسی کے طالبان اور القاعدہ گروپ کا مشترکہ اجلاس20 فروری کو طلب

17 Feb 2014 22:54

اسلام ٹائمز: طالبان کے امیر کا صحافیوں سے ٹیلی فونک گفتگو میں کہنا تھا کہ اجلاس میں حکومت سے جنگ بندی یا مذاکرات کے حوالے سے اہم فیصلے کئے جائیں گے۔ اس اجلاس میں ہونے والے فیصلوں کا باقاعدہ اعلان 23 فروری کو کیا جائیگا۔

اسلام ٹائمز۔ طالبان، القاعدہ گروپ باجوڑ اور مہمند کے امیر یوسف رضا مجاہد نے نامعلوم مقام سے صحافیوں سے ٹیلیفونک گفتگو کرتے ہوئے کہا ہے کہ طالبان اور القاعدہ کے مشترکہ گروپ باجوڑ اور مہمند کا اجلاس 20 فروری کو نامعلوم مقام پرطلب کر لیا گیا ہے، جس میں دونوں گروپوں کے رہنما شرکت کریں گے۔ اجلاس کا ایجنڈہ حکومت سے مذاکرات یا جنگ بندی پر مشتمل ہو گا، اجلاس میں یہ اہم فیصلے کئے جائیں گے کہ حکومت سے جنگ بندی کر کے مذاکرات کرنا یا نہیں۔ یوسف رضا مجاہد نے بتایا کہ اجلاس میں ہونے والے فیصلوں کا باقاعدہ اعلان 23 فروری کو کیا جائے گا۔

واضح رہے کہ تحریک طالبان مہمند اور باجوڑ ایجنسی حکومت سے مذاکرات کے تحریک طالبان پاکستان کے فیصلے سے اتفاق نہیں کرتے، ان گروپوں کے القاعدہ کے مشترکہ میٹنگ کے اس اعلان نے تحریک طالبان پاکستان کے مختلف دھڑوں میں موجود اختلافات کو مزید گہرا کر دیا ہے، اب دیکھنا یہ کہ تحریک طالبان کا یہ دھڑا اپنے اجلاس میں حکومت اور طالبان کے درمیان مذاکرات کے مستقبل  کا تعین کرنے میں کیا اثرات مرتب کرتا ہے۔

خبر کا کوڈ: 352415