QR Code

ہنگو میں سکیورٹی فورسز کی فضائی کاروائی، 9 دہشت گرد ہلاک

22 Feb 2014 10:24

اسلام ٹائمز: ذرائِع کے مطابق تحصیل ٹل کے علاقوں درسمند اور تورا اوڑی میں دہشت گردوں کے ٹھکانوں پر شیلنگ کی گئی جس میں 4 گن شپ ہیلی کاپٹرز نے حصہ لیا۔

اسلام ٹائمز۔ ہنگو کی تحصیل ٹل میں سکیورٹی فورسز کی فضائی کاروائی میں 9دہشت گرد ہلاک ہو گئے ہیں۔ ذرائع کے مطابق گن شپ ہیلی کاپٹرز نے تحصیل ٹل کے علاقوں درسمند اور تورا اوڑی میں دہشت گردوں کے ٹھکانوں پر شیلنگ کی جس کے نتیجے میں 9دہشت گرد ہلاک ہو گئے۔ ذرائع کے مطابق کاروائی میں 4 گن شپ ہیلی کاپٹرز نے حصہ لیا۔ شیلنگ سے دہشتگردوں کے کئی ٹھکانے بھی تباہ ہوئے ہیں۔ ذرائع نے بتایا کہ فورسز کی شیلنگ ابھی جاری ہے اور ہلاکتوں میں اضافہ ہو سکتا ہے۔ واضح رہے کہ دو روز قبل شمالی وزیرستان اور خیبر ایجنسی میں بھی فورسز نے کارروائی کر کے 40 سے زائد شدت پسندوں کو ہلاک کردیا تھا جن میں کئی غیر ملکی جنگجو بھی شامل تھے۔

خبر کا کوڈ: 354242