QR Code

اسرائیل کا بغیر پائلٹ طیارہ غزہ میں گر کر تباہ

صہیونی فوج کی ظالمانہ کارروائیاں، 4 فلسطینی شہید

12 Mar 2014 22:41

اسلام ٹائمز: جنوبی غزہ پٹی میں اسرائیل کے ایک فضائی حملے میں تین افراد شہید ہوئے۔ یہ بات علاقے کی حماس کے زیر انتظام وزارت صحت نے کہی۔

اسلام ٹائمز۔ اسرائیلی فوج کی پرتشدد اور ظالمانہ کارروائیوں کے دوران فائرنگ اور فضائی حملے میں چار فلسطینی شہید ہو گئے ہیں۔ ایک غیر ملکی خبر رساں ادارے کے مطابق شمالی مغربی کنارے میں تلکرم کے قریب اسرائیلی فوج کی جانب سے ایک کار پر فائرنگ کے نتیجے میں ایک فلسطینی جاں بحق ہوگیا، ادھر جنوبی غزہ پٹی میں اسرائیل کے ایک فضائی حملے میں مزید تین افراد شہید ہوگئے۔ یہ بات علاقے کی حماس کے زیر انتظام وزارت صحت نے کہی۔ وزارت کے ترجمان اشرف القدریٰ نے غیر ملکی خبررساں ادارے کو بتایا کہ مشرقی رفاہ علاقے میں صیہونی فضائی حملے میں تین افراد جام شہادت نوش کرگئے ہیں۔ دوسری جانب اسرائیل کا بغیر پائلٹ کا ایک طیارہ جو نگرانی اور میزائل حملوں کیلئے استعمال کیا جاتا تھا منگل کو علی الصبح غزہ کے جنوبی علاقے میں گر کر تباہ ہوگیا۔

خبر کا کوڈ: 360777