اسلام ٹائمز - پاکستان میں بے غیرت بستے ہیں، زاہد محب اللہ

اسلام ٹائمز: جماعت الدعوۃ کے زیر اہتمام ہونیوالے احیاء نظریہ پاکستان مارچ کے شرکاء سے خطاب کرتے ہوئے جماعت اسلامی کے ضلعی جنرل سیکرٹری نے کہا ہے کہ منور حسن اور لدھیانوی ایک ہیں۔

اسلام ٹائمز۔ جماعت اسلامی کے ضلعی جنرل سیکرٹری زاہد محب اللہ ایڈوکیٹ نے کہا ہے کہ قیام پاکستان کے وقت سکھوں نے جن مسلمان لڑکیوں کو اغوا کیا تھا، وہ آج بھی سکھوں کے بچے جن رہی ہیں۔ ان خیالات کا اظہار انہوں نے ڈیرہ اسماعیل خان میں جماعت الدعوۃ کے زیر اہتمام ہونیوالے احیاء نظریہ پاکستان مارچ کے شرکاء سے خطاب کرتے ہوئے کیا۔ انہوں نے اپنی تقریر میں یہ بھی واضح کیا کہ احمد لدھیانوی اور منور حسن ایک ہیں۔ انہوں نے کہا کہ پاکستان میں سب سے بڑے بے غیر ت بستے ہیں۔ انہوں نے مزید کہا کہ ہم انڈیا سے لڑیں گے اور جیتیں گے۔ انہوں نے کہا کہ ہندوستان کسی طور ہمارا دوست نہیں ہوسکتا۔