QR Code
ایک دوسرے کو برداشت نہ کرنا معنویت اور دینداری کے فقدان کا نتیجہ ہے، ناصر عباس شیرازی
24 Mar 2014 23:37
اسلام ٹائمز: مجلس وحدت مسلمین کے مرکزی سیکرٹری سیاسیات کا قم المقدسہ میں عشائیہ سے خطاب کرتے ہوئے کہنا تھا کہ شمالی علاقہ جات میں ہونے والے انتخابات میں بھرپور شرکت کریں گے اور سامنے آنے والی ہر طاقت کو مکتب اہل بیت کے ماننے والے سرنگوں کر دیں گے۔
اسلام ٹائمز۔ دفتر قم المقدسہ سے جاری پریس ریلیز کے مطابق مجلس وحدت مسلمین پاکستان کے مرکزی سیکرٹری سیاسیات سید ناصر عباس شیرازی نے حوزہ علمیہ قم میں پاکستانی طلاب کے ایک گروہ سے گفتگو کرتے ہوئے کہا کہ پاکستان میں شیعہ قوم کی بقاء اور سربلندی کی خاطر مجلس وحدت مسلمین نے الیکشن میں آنے کا بڑی سوچ و بچار کے بعد فیصلہ کیا۔ قم المقدسہ میں مدرسہ امام مہدی کے پرنسپل حجتہ الاسلام ملک محمد اشرف کے گھر عشائیہ پر طلاب کے ایک سوال کے جواب میں کہا کہ ایک دوسرے کو برداشت نہ کرنا معنویت اور دینداری کے فقدان کا نتیجہ ہے۔ اُنہوں نے مزید کہا کہ شمالی علاقہ جات میں ہونے والے انتخابات میں بھرپور شرکت کریں گے اور سامنے آنے والی ہر طاقت کو مکتب اہل بیت کے ماننے والے سرنگوں کر دیں گے۔
خبر کا کوڈ: 365410