باجوڑ میں سرحد پار سے فائرنگ، 1 سکیورٹی اہلکار شہید
4 May 2014 20:23
اسلام ٹائمز: سرحد پار سے فائرنگ کا واقعہ صبح گیارہ بج کر پینتالیس منٹ پر پیش آیا۔ اس سے پہلے بھی کئی بار افغانستان کی جانب سے پاکستانی حدود میں بلااشتعال فائرنگ کی جا چکی ہے۔
اسلام ٹائمز۔ باجوڑ ایجنسی میں افغانستان سے کی گئی بلااشتعال فائرنگ سے پاک فوج کا جوان شہید ہو گیا۔ آئی ایس پی آر کے مطابق، باجوڑ ایجنسی میں سرحد پار سے فائرنگ کے واقعے میں ایک سکیورٹی اہلکار شہید ہو گیا ہے۔ سرحد پار سے فائرنگ کا واقعہ صبح گیارہ بج کر پینتالیس منٹ پر پیش آیا۔ اس سے پہلے بھی کئی بار افغانستان کی جانب سے پاکستانی حدود میں بلااشتعال فائرنگ کی جا چکی ہے۔ پاکستانی دفترخارجہ کی طرف سے متعدد بار احتجاج بھی کیا گیا ہے۔
خبر کا کوڈ: 379152