QR Code

نواز شریف کل سے اعلٰی سطحی وفد کے ہمراہ ایران کا 2 روزہ سرکاری دورہ کرینگے

10 May 2014 22:33

اسلام ٹائمز: دفتر خارجہ کیمطابق وزیراعظم کے ہمراہ اعلٰی سطح کا وفد بھی ایران جائیگا، وزیر خزانہ اسحاق ڈار، مشیر خارجہ سرتاج عزیز، وزیر بجلی پانی اور دفاع خواجہ آصف، وزیراعظم کے معاون خصوصی برائے خارجہ امور طارق فاطمی بھی وزیراعظم کے ہمراہ ہونگے۔

اسلام ٹائمز وزیراعظم نواز شریف کل سے ایران کا دو روزہ سرکاری دورہ کریں گے، ایرانی صدر اور اعلٰی قیادت سے ملاقاتیں ہوں گی، دونوں ممالک تجارت سمیت مختلف شعبوں میں تعاون بڑھانے کیلئے ایم او یوز پر دستخط کریں گے۔ دفتر خارجہ کے مطابق وزیراعظم محمد نواز شریف کے ہمراہ اعلٰی سطح کا وفد بھی ایران جائے گا، وزیر خزانہ اسحاق ڈار، مشیر خارجہ سرتاج عزیز، وزیر بجلی و پانی اور دفاع خواجہ آصف، وزیراعظم کے معاون خصوصی برائے خارجہ امور طارق فاطمی بھی وزیراعظم کے ہمراہ ہوں گے۔ وزیراعلٰی بلوچستان ڈاکٹر عبدالمالک بھی وزیراعظم کے ساتھ جائیں گے۔ وزیراعظم دورے کے دوران ایرانی صدر اور اعلٰی قیادت سے ملاقاتیں کریں گے، ملاقاتوں کے دوران دونوں ممالک کے درمیان دوطرفہ تجارتی تعلقات کے فروغ پر بات چیت ہوگی، اس موقع پر دونوں ممالک میں مختلف شعبوں میں تعاون کے حوالے سے ایم اویوز پر دستخط بھی کئے جائیں گے۔

خبر کا کوڈ: 381305