QR Code

شیعہ زائرین اور ہزارہ قوم کے معصوم انسانوں کا قتل قابل مذمت ہے

بلوچستان میں سامراجی قوتیں فرقہ وارانہ نفرتوں کو ہوا دے رہی ہیں، لیاقت بلوچ

14 May 2014 02:31

اسلام ٹائمز: ایم پی اے ہاسٹل کوئٹہ میں فلسطین فاؤنڈیشن کی تقریب سے خطاب میں جماعت اسلامی کے مرکزی جنرل سیکرٹری کا کہنا تھا کہ بدامنی کے حوالے سے بلوچستان، کراچی اور خیبر پختونخواہ کے مسائل مختلف ہیں۔ حکومت سب کو ایک لاٹھی سے نہ ہانکے، ہر صوبے میں حالات کے مطابق بدامنی سے نمٹنے کیلئے پالیسی مرتب کرے۔

اسلام ٹائمز۔ جماعت اسلامی کے رہنماء لیاقت بلوچ نے کہا ہے کہ ملک میں مارشل لاء کسی مسئلے کا حل نہیں اور نہ ہی مارشل لاء کیلئے راستہ کھلا چھوڑینگے۔ انتخابات کا ایک سال گز ر گیا، حکومتیں ناکام ہو چکی ہیں۔ ملک میں بیروزگاری، مہنگائی اور بدامنی سب سے بڑے مسائل ہیں۔ لیاقت بلوچ نے کہا کہ جماعت اسلامی کسی غیر آئینی اور غیر جمہوری اقدام کی حمایت نہیں کریگی۔ جمہوریت کو خطرات لاحق ہوئے تو ہم آئین کی مطابق کردار ادا کرینگے۔ ملک میں مارشل لاء کسی مسئلے کا حل نہیں اور نہ ہی مارشل لاء کیلئے راستہ کھلا چھوڑینگے۔ انتخابات کا ایک سال گز ر گیا حکومتیں ناکام ہو چکی ہیں۔ ملک میں بیروزگاری، مہنگائی اور بدامنی سب سے بڑے مسائل ہیں۔ جماعت اسلامی الیکشن ہار گئی عوام نے ہمیں ووٹ نہیں دیا۔ اب عوام اسی کا خمیازہ بھگت رہے ہیں۔ بدامنی کے حوالے سے بلوچستان، کراچی اور خیبر پختونخواہ کے مسائل مختلف ہیں حکومت سب کو ایک لاٹھی سے نہ ہانکے، حکومت ہر صوبے میں حالات کے مطابق بدامنی سے نمٹنے کیلئے پالیسی مرتب کرے۔ ہم ملک میں آئین اور قانون کی بالادستی چاہتے ہیں، جمہوریت کے فروغ اور استحکام کیلئے آئین کے دائرہ کار میں جدوجہد کرنا چاہتے ہیں۔ تمام ادارے آئین کے مطابق اپنے دائرہ کار میں رہیں تو مسائل جنم نہیں لینگے۔ لیاقت بلوچ کا مزید کہنا تھا کہ بلوچستان میں سامراجی قوتیں فرقہ وارانہ نفرتوں کو ہوا دے رہے ہیں۔ شیعہ زائرین اور ہزارہ قوم کے معصوم انسانوں کا قتل قابل مذمت ہے۔

خبر کا کوڈ: 381840