QR Code

سکیورٹی فورسز پر حملے نہ رکے تو مذاکراتی عمل نتیجہ خیز ثابت نہیں ہوگا

وزیراعظم نیک نیتی سے طالبان کیساتھ مذاکرات کو کامیاب کرنا چاہتے ہیں، عرفان صدیقی

13 May 2014 18:45

اسلام ٹائمز: کراچی میں میڈیا سے بات چیت کرتے ہوئے سرکاری کمیٹی کے رکن کا کہنا تھا کہ سکیورٹی فورسز پر حملوں سے طالبان سے مذاکراتی عمل پر منفی اثر پڑ رہا ہے، یہ سلسلہ نہ رکا تو مذاکراتی عمل نتیجہ خیز ثابت نہیں ہوگا۔

اسلام ٹائمز۔ طالبان سے مذاکرات کے لئے قائم سرکاری کمیٹی کے رکن عرفان صدیقی کا کہنا ہے کہ سکیورٹی فورسز پر حملے نہ رکے تو مذاکراتی عمل نتیجہ خیز ثابت نہیں ہوگا۔ کراچی میں میڈیا سے بات چیت کرتے ہوئے عرفان صدیقی نے کہا کہ سکیورٹی فورسز پر حملوں سے طالبان سے مذاکراتی عمل پر منفی اثر پڑ رہا ہے، یہ سلسلہ نہ رکا تو مذاکراتی عمل نتیجہ خیز ثابت نہیں ہوگا۔ طالبان سے مذاکرات میں اب بھی بہت سی رکاوٹیں ہیں جنہیں دور کرنے کی کوششیں کی جا رہی ہیں۔ ان کا کہنا ہے کہ بہت خون بہہ چکا اور قیمتی جانیں ضائع ہوچکی ہیں۔ وزیراعظم نیک نیتی سے مذاکراتی عمل کامیاب کرنا چاہتے ہیں۔ انکا کہنا ہے کہ عمران خان نے جو باتیں کہی ہیں وہ پارلیمنٹ سے متعلق ہیں، انہیں یہ معاملہ پارلیمنٹ میں اٹھانا چاہئے۔

خبر کا کوڈ: 382091