QR Code

بلوچستان میں کسی بھی طلباء یا طالبات کا اسکالرشپ ختم نہیں کیا جا رہا، ڈاکٹر عبدالمالک بلوچ

21 May 2014 12:34

اسلام ٹائمز: بلوچستان اسمبلی کے اجلاس سے خطاب میں وزیراعلٰی بلوچستان کا کہنا تھا کہ ہماری کوشش ہے کہ تمام ارکان نے جن مشکلات کی نشاندہی کی ہے، انہیں حل کیا جائے۔ اس کیلئے ہم اپنی ترجیحات میں امن و امان، صحت اور تعلیم پر توجہ دے رہے ہیں۔

اسلام ٹائمز۔ وزیراعلٰی بلوچستان ڈاکٹر عبدالمالک بلوچ نے کہا ہے کہ کسی بھی طلباء یا طالبات کا اسکالرشپ کو ختم نہیں کیا جا رہا۔ وزیراعظم میاں محمد نواز شریف آج کوئٹہ پہنچ رہے ہیں اور وہ اپنے دورے کے دوران طلباء و طالبات کیلئے سکالرشپ کا اعلان کرینگے۔ وزیراعلٰی بلوچستان نے کہا کہ ضلع کچھی میں امن و امان کی صورتحال بہتر نہیں ہے۔ میری بھرپور کوشش ہے اور تمام وسائل اس پر خرچ کئے جا رہے ہیں۔ کوئٹہ اور اندرون بلوچستان میں جہاں پر امن و امان کی صورتحال ٹھیک نہیں ہے، اسے ٹھیک کیا جائے کیونکہ صوبے میں امن و امان کو بہتر کرنا ہماری اولین کوشش ہے۔ وزیراعلٰی بلوچستان نے کہا کہ ہماری کوشش ہے کہ تمام ارکان نے جن مشکلات کی نشاندہی کی ہے، انہیں حل کیا جائے۔ اس کیلئے ہم اپنی ترجیحات میں امن و امان، صحت اور تعلیم پر توجہ دے رہے ہیں۔ انہوں نے کہا کہ میں یقین دلاتا ہوں کہ کسی کیساتھ کوئی ناانصافی نہیں ہوگی۔ سب کیساتھ یکساں سلوک کیا جائیگا۔

خبر کا کوڈ: 384609