QR Code

نواز شریف اور نریندرا مودی کی ون آن ون ملاقات کل ہوگی

پاک بھارت مذاکرات کی بحالی سمیت اہم ایشوز زیر غور آئینگے

26 May 2014 20:34

اسلام ٹائمز: اس اہم ملاقات میں پاک بھارت مذاکرات کی بحالی سمیت اہم ایشوز زیر غور آئینگے۔ پاکستانی ہم منصب سے ملاقات سے قبل بھارتی وزیراعظم نریندرا مودی سابق وزیراعظم من موہن سنگھ سے ملاقات کرینگے۔

اسلام ٹائمز۔ پاک بھارت وزرائے اعظم کی باضابطہ ملاقات کل منگل کو ہوگی، جس میں وزیراعظم پاکستان میاں محمد نواز شریف کے ہمراہ وزیراعظم کے مشیر برائے نیشنل سکیورٹی سرتاج عزیز، طارق فاطمی، حسین نواز اور سیکرٹری ٹو پی ایم جاوید اسلم شریک ہونگے۔ اس اہم ملاقات میں پاک بھارت مذاکرات کی بحالی سمیت اہم ایشوز زیر غور آئینگے۔ پاکستانی ہم منصب نواز شریف سے ملاقات سے قبل بھارتی وزیراعظم نریندرا مودی سابق وزیراعظم من موہن سنگھ سے ملاقات کرینگے۔ وزیراعظم نواز شریف کی بھارتی صدر پرناب مکھرجی سے ملاقات کا وقت بھی کل طے ہے۔ بھارتی صدر سے ملاقات میں وزیراعظم کے ساتھ سرتاج عزیز، طارق فاطمی، جاوید اسلم، اعزاز احمد چوہدری اور عبدالباسط شریک ہونگے۔

خبر کا کوڈ: 386557