QR Code

کراچی، ایئرپورٹ حملے میں جاں بحق افراد کی تعداد 27 ہوگئی

12 Jun 2014 00:21

اسلام ٹائمز: اے ایس ایف کے لاپتہ اہلکار جمن شاہ کی لاش بدھ کو ائیرپورٹ کے ایپرن ٹو سے ملی، جسے اسپتال منتقل کر دیا گیا۔

اسلام ٹائمز۔ جناح انٹرنیشنل ایئرپورٹ پر دہشت گردوں کے حملے کے بعد جاں بحق ہونے والوں کی مجموعی تعداد ستائیس ہوگئی ہے، اے ایس ایف کے لاپتہ اہلکار جمن شاہ کی لاش بدھ کو ائیرپورٹ کے ایپرن ٹو سے ملی، جسے اسپتال منتقل کر دیا گیا، اس طرح اس حملے میں جاں بحق ہونے والوں کی تعداد بیس ہوگئی ہے، جبکہ کولڈ اسٹوریج میں جھلس کر سات افراد جاں بحق ہوئے۔ اے ایس ایف نے کراچی ائیرپورٹ پر حملے میں جاں بحق ہونے والوں کی تصاویر بھی جاری کر دیں ہیں۔ ان افراد میں سب انسپکٹر محمد سرور، سب انسپکٹر حفیظ الرحمان، سب انسپکٹر طارق مسعود، سب انسپکٹر محمد اقبال، اے ایس آئی اسلام دین، اے ایس آئی اسد شاہنواز، سارجنٹ عبدالمالک، سارجنٹ منتظر شاہ، کارپورل محمد اعظم حسین، کارپورل غلام مرتضی اور کارپورل ڈرائیور محمد حیات شامل ہیں۔

خبر کا کوڈ: 391220