QR Code

ضرب عضب کا تیسرا روز، 50 سے زائد دہشت گرد ہلاک

17 Jun 2014 09:50

اسلام ٹائمز: سرکاری ذرائع کا کہنا ہے کہ میرعلی کے مختلف علاقوں میں آج صبح جیٹ طیاروں نے بمباری کی، جس کے دوران خیسور، خوشحالی اور کاسکی میں دہشت گردوں کے ٹھکانوں کو نشانہ بنایا گیا۔

اسلام ٹائمز۔ شمالی وزیرستان میں تیسرے روز بھی آپریشن ضرب عضب جاری ہے۔ نئی کارروائی میں 50 سے زائد دہشت گرد ہلاک اور ان کے 8 ٹھکانے تباہ کر دئیے گئے۔ سرکاری ذرائع کا کہنا ہے کہ میرعلی کے مختلف علاقوں میں آج صبح جیٹ طیاروں نے بم باری کی، جس کے دوران خیسور، خوشحالی اور کاسکی میں دہشت گردوں کے ٹھکانوں کو نشانہ بنایا گیا اور ان کے 8 ٹھکانے تباہ کر دئیے گئے۔ بمباری میں 50 سے زائد دہشت گرد مارے گئے، جن میں زیادہ تر غیر ملکی شامل ہیں۔ اس سے پہلے آئی ایس پی آر گذشتہ روز شوال میں ہونے والی کارروائی میں 34 دہشت گردوں کی ہلاکت اور 6 ٹھکانوں کے تباہ کرنے کی تصدیق کر چکا ہے، اس دوران 2 جوان شہید ہوئے تھے۔

خبر کا کوڈ: 392666