QR Code

الطاف حسین کا پاک فوج سے یکجہتی کیلئے تاریخی اجتماع منعقد کرنے کا اعلان

28 Jun 2014 14:43

اسلام ٹائمز: اپنے ایک بیان میں متحدہ کے قائد نے کہا کہ مسلح افواج پاکستان کی تاریخ کی سب سے بڑی اور مشکل ترین جنگ میں دشمنوں کے خلاف صف آراء ہے۔

اسلام ٹائمز۔ متحدہ قومی موومنٹ کے قائد الطاف حسین نے کہا ہے کہ مسلح افواج پاکستان کی تاریخ کی سب سے بڑی اور مشکل ترین جنگ میں دشمنوں کے خلاف صف آراء ہے، فوج سے اظہارِ یکجہتی کیلئے کراچی میں تاریخی اجتماع منعقد کیا جائے گا۔ اپنے ایک بیان میں الطاف حسین نے دہشتگردوں کے خلاف جنگ میں جام شہادت نوش کرنے والے فوجی جوانوں اور افسران کو خراج عقیدت پیش کیا۔ قائد ایم کیو ایم نے رابطہ کمیٹی کو ہدایت کی کہ دیگر تمام مصروفیات ترک کرکے پاکستان کی مسلح افواج کے ساتھ اظہار یکجہتی کیلئے تاریخی اجتماع منعقد کیا جائے۔ الطاف حسین نے عوام سے اپیل کی کہ وہ مصروفیات سے وقت نکال کر اس اجتماع میں شریک ہوں۔

خبر کا کوڈ: 395780