اسلام ٹائمز۔ چترال سے ممبر قومی اسمبلی شہزادہ افتخارالدّین نے کہا ہے کہ گلگت بلتستان کے وزیراعلٰی مہدی شاہ نے سیاسی مفادات کے خاطر شندور میلے کا بائیکاٹ کر کے دونوں علاقوں کے عوام کو ایک دوسرے سے دور رکھنے اور سیاسی مفادات حاصل کرنے کی ناکام کوشش کی ہے۔ شندور کا مسئلہ بائیکاٹ سے نہیں بلکہ آپس میں مل بیٹھ کر بات چیت کرنے سے حل ہوگا۔ میں یہ دیکھ کر حیران ہوں کہ گلگت بلتستان کے عوام نے کس طرح کے شخص کو اپنا وزیراعلٰی منتخب کیا ہے۔ میں گلگت بلتستان اور چترال کو ایک دوسرے سے کسی صورت الگ نہیں سمجھتا اور قومی اسمبلی کے فورم میں بھی گلگت بلتستان کے آیینی حقوق، دیامر ڈیم، بونجی ڈیم، ست پارہ ڈیم، گلگت اسکردو روڈ اور دیگر اہم ایشوز پر آواز اٹھانا چاہتا ہوں مگر میں مہدی شاہ کی اس چھوٹی ذہنیت کو داد دیتا ہوں جو ایک چھوٹے مسلے جس کا حل تیسرے فریق نے نکالنا ہے اسے سامنے لا کر گلگت بلتستان اور چترال کے صدیوں پرانے تعلقات خراب کرانا چاہتے ہیں۔

اسلام ٹائمز