اسلام ٹائمز - اسلام کسی کو اجازت نہیں دیتا ہے کہ بچیوں کی تعلیم کو بند کرے، میر حاصل خان بزنجو

اسلام کسی کو اجازت نہیں دیتا ہے کہ بچیوں کی تعلیم کو بند کرے، میر حاصل خان بزنجو

اسلام ٹائمز: کمشنر ہاؤس پنجگور میں صحافیوں سے گفتگو میں نیشنل پارٹی کے رہنماء کا کہنا تھا کہ ہماری حکومت پنجگور والوں کو تعاون کرنے کو تیار ہے لیکن اس قسم کے بچگانہ موبائل ایس ایم ایس سے کبھی خوف نہ کھائیں اور اپنا تعلیمی کاروان جاری رکھیں۔

اسلام ٹائمز۔ میر حاصل خان بزنجو نے کہا ہے کہ پارٹی کیخلاف مختلف سازشیں کی جا رہی ہیں۔ تاریخ گواہ ہے کہ بلوچستان کا پرُامن ترین ضلع پنجگور تھا۔ آج پنجگور میں مختلف قسم کے لائن آرڈر ایشوز پیدا کئے جا رہے ہیں۔ انہوں نے کہا کہ اس وقت پنجگور میں سب سے بڑا آگ اور پرائیویٹ اسکولوں کا مسئلہ دانستہ پیدا کیا گیا ہے۔ اسکولوں کو بند کرنے والے لوگ جو بھی ہیں، چاہے ان کا تعلق مذہبی جماعت سے ہو یا دیگر انکا، مقصد نہ تو اسلام کا تحفظ ہے اور نہ کوئی جواز ہے جو وہ بنا رہے ہیں۔ یہ ایک سازش کے تحت بلوچ قوم کی شناخت اور انکی نسل کشی کی پالیسی ہیں۔ اسلام کسی کو اجازت نہیں دیتا ہے کہ بچیوں کی تعلیم کو بند کریں۔ انہوں نے والدین سے اپیل کی ہے کے صوبائی حکومت کے تمام وسائل آپکے ساتھ ہیں۔ اپ جو چاہتے ہبں ہم دینے کو تیار ہیں۔ ہم نے کبھی یہ نہیں کہا ہے کہ ہم تمیں سپورٹ نہیں کر سکتے یا ساتھ نہیں دے سکتے ہیں۔ جہاں، جو آپکی ضرورت ہے، ہماری حکومت آپکے ساتھ تعاون کرنے کو تیار ہے۔ انہوں نے کہا ہے کہ اس قسم کے بچگانہ موبائل ایس ایم ایس سے کبھی خوف نہ کھائیں اور اپنا تعلیمی کاروان جاری رکھیں۔