QR Code

کپتان روزانہ لوگوں کو لالی پاپ دیتے ہیں، عابد شیرعلی

26 Aug 2014 10:58

اسلام ٹائمز:نجی ٹی وی سے گفتگو میں وزیر مملکت کا کہنا تھا کہ عمران خان روز اپنے کارکنوں کو لالی پاپ دے دیتے ہیں آج رات کو امپائر کی انگلی کھڑی ہو جائے گی، لیکن ایسا نہیں ہوا اور نہ ہی کسی امپائر کی انگلی کھڑی ہونی ہے۔

اسلام ٹائمز۔ وزیرمملکت پانی و بجلی عابد شیر علی نے کہا ہے کہ عمران خان ٹیکس نہ دے کر اور منی لانڈرنگ کر کے کون سا نیا پاکستان بنانا چاہتے ہیں۔ نجی ٹی وی سے خصوصی گفتگو کرتے ہوئے عابد شیر علی کا کہنا تھا کہ اگرعمران خان کو حکومت کا اتنا ہی شوق ہے تو چار سال انتظار کریں۔ ان کہنا تھا کہ عمران خان روز اپنے کارکنوں کو لالی پاپ دے دیتے ہیں آج رات کو امپائر کی انگلی کھڑی ہو جائے گی، لیکن ایسا نہیں ہوا اور نہ ہی کسی امپائر کی انگلی کھڑی ہونی ہے، میری عمران خان اور طاہرالقادری سے اپیل ہے کہ انہوں نے جن لوگوں کو روکا ہوا ہے انہیں اپنے اپنے گھروں کو جانے دیں۔ عابد شیر علی کا کہنا تھاکہ عمران خان امپائر کی انگلی کے انتظار میں نہ رہیں اپنی شادی کروا لیں، اگر وہ امپائر کی انگلی کا انتظار کرتے رہے تو پھر ان کی شادی نہیں ہو گئی۔ ان کا کہنا تھا کہ ایف آئی آر کے قانونی پہلووں کو دیکھتے ہوئے طاہر القادری کے تحفظات دور کیا جائے گے۔

خبر کا کوڈ: 406635