QR Code

سیاسی بحران پر وزیراعظم نے عسکری قیادت سے حتمی رائے طلب کرلی

28 Aug 2014 10:30

اسلام ٹائمز: باخبر ذرائع کا کہنا ہے کہ اہم حلقوں کی جانب سے حکومت کو آگاہ کیا گیا ہے کہ وہ طاقت کے استعمال کے آپشن سے فی الحال گریز کرے۔

اسلام ٹائمز۔ تحریک انصاف اور عوامی تحریک کے درمیان مذاکراتی عمل میں مکمل طور پر ڈیڈلاک آنے کے بعد حکومت نے دھرنے کو منتشر کرنے کی پالیسی پر غور شروع کر دیا ہے تاہم یہ آخری آپشن ہو گا، اس حوالے سے حکومت کی اہم شخصیات اور اعلیٰ ترین حلقوں سے مشاورت جاری ہے۔ انتہائی باخبر ذرائع کا کہنا ہے کہ وزیراعظم نے صورتحال سے نمٹنے کے لیے عسکری قیادت سے حتمی رائے طلب کرلی ہے کہ اس گھمبیر صورت حال پر کیسے قابو پایا جائے، اس حوالے سے جلدازجلد رائے دی جائے، اہم حلقوں کی جانب سے حکومت کو آگاہ کیا گیا ہے کہ وہ طاقت کے استعمال کے آپشن سے فی الحال گریز کرے۔ معاملے کو حل کرنے کیلیے درمیانی راستہ تلاش کیا جا رہا ہے، حکومتی سطح پر کچھ تبدیلیاں اور عمران خان اور طاہرالقادری کے پاس تمام پارلیمانی جماعتوں کا وفد بھیجنے پر بھی غور کیا جا رہا ہے تاہم اس کا حتمی فیصلہ جمعرات کو صورتحال دیکھ کر کیا جائے گا۔ اہم حلقوں نے عوامی تحریک اور تحریک انصاف کو آگاہ کر دیا ہے کہ پرامن رہیں اور قانون کو ہاتھ میں نہ لیں اور ریاستی اداروں کی طرف جانے سے گریز کریں۔

خبر کا کوڈ: 407035