QR Code

کراچی، سیکیورٹی خدشات کے پیش نظر مزارِ قائد عوام کیلئے بند

28 Aug 2014 15:48

اسلام ٹائمز: واضح رہے کہ دہشت گردوں کی جانب سے دی گئی دھمکیوں کی وجہ سے 29 مارچ کو بھی مزار قائد 3 روز کے لئے بند کر دیا گیا تھا۔

اسلام ٹائمز۔ بانی پاکستان قائد اعظم محمد علی جناح کے مزار کو سیکیورٹی خدشات کے پیش نظر عوام کے لئے بند کر دیا گیا۔ اطلاعات کے مطابق بارودی مواد کی موجودگی کی اطلاع پر پولیس اور رینجرز کی بھاری نفری نے مزار قائد میں عوام کا داخلہ بند کر دیا ہے۔ بم ڈسپوزل اسکواڈ کی جانب سے مزار کے اندر اور اطراف کلیئر کرنے بعد سیکیورٹی کو مزید بڑھا دیا گیا ہے۔ سیکیورٹی فورسز نے غیر معینہ مدت کے لئے اطراف میں گاڑیاں کھڑی کرنے پر پابندی عائد کر دی ہے۔ واضح رہے کہ دہشت گردوں کی جانب سے دی گئی دھمکیوں کی وجہ سے 29 مارچ کو بھی مزار قائد 3 روز کے لئے بند کر دیا گیا تھا۔

خبر کا کوڈ: 407073