اسلام ٹائمز۔ قراقرم انٹرنیشنل یونیورسٹی شعبہ امتحانات نے ایم اے پولیٹکل سائنسز اور اکنامکس کے ضمنی امتحانات کے نتائج کا اعلان کر دیا۔ امتحانات میں اکنامکس میں کل 16 امیدوار شریک ہوئے جن میں سے 6 امیدوار کامیاب قرار پائے۔ پولیٹکل سائنسز میں کل 252 امیدوار شریک ہوئے جن میں سے 192 امیدوار کامیاب قرار پائے۔ پولیٹکل سائنسز کا مجموعی نتیجہ 51.19 فیصد رہا جبکہ اکنامکس کا مجموعی نتیجہ 37.5فیصد رہا۔ کنٹرولر امتحانات کے مطابق مارکس شیٹیں امیدوار کے متعلقہ امتحانی مراکز میں بھیج دیئے جائیں گے۔ تمام طلبہ و طالبات کو مارکس شیٹ کے حصول کیلئے امتحانی مراکز سے رابطہ کرنے کی ہدایت کی ہے۔

اسلام ٹائمز