QR Code

شہید کی جو موت ہے وہ قوم کی حیات ہے، علامہ رمضان توقیر

15 Oct 2014 17:10

اسلام ٹائمز۔ ڈی آئی خان میں بیواؤں اور یتیموں میں رقوم تقسیم کرنیکی تقریب کے دوران گفتگو کرتے ہوئے ایس یو سی کے صوبائی صدر نے کہا ہے کہ زندہ قومیں اپنے شہداء کو بھلایا نہیں کرتیں، شہید اپنے خون کا نذرانہ دے کر قوموں کو زندگی دیتے ہیں۔

اسلام ٹائمز۔ شیعہ علماء کونسل خیبر پختونخوا کے صوبائی صدر علامہ رمضان توقیر نے کہا ہے کہ زندہ قومیں اپنے شہداء کو بھلایا نہیں کرتیں۔ ان خیالات کا اظہار انہوں نے علامہ سید ساجد علی نقوی کی ہدایت اور زہرا اکیڈمی کے مالی تعاون سے شہر شہادت ڈیرہ اسماعیل خان کے شہداء کے بیوگان اور یتامیٰ میں فنڈز تقسیم کرنے کی تقریب کے دوران گفتگو کرتے ہوئے کیا۔ تقریب میں علماء کرام عہدہ داران و کارکنان شریک رہے۔ علامہ محمد رمضان توقیر نے شہیداء کے خانوادوں سے گفتگو کرتے ہوئے کہا کہ زندہ قومیں کبھی اپنے شہداء کو کبھی نہیں بھلایا کرتیں، کیونکہ شہید کی جو موت ہے وہ قوم کی حیات ہے۔ شہید اپنی جان کا نذرانہ پیش کر کے قوم کو حیات بخشتا ہے۔ ورثاء اور بیوگان نے قائد ملت اور علامہ محمد رمضان توقیر اور زہرا اکیڈمی کے ذمہ داران کا شکریہ ادا کیا اور دعائیں دیں۔

خبر کا کوڈ: 414591