QR Code

نوازشریف عمران خان کو خواب میں بھی ڈراتے ہیں، پرویزرشید

14 Nov 2014 22:28

اسلام ٹائمز: پاکستان مسلم لیگ نون کے مرکزی رہنما کا کہنا تھا کہ عمران خان نے نہ صرف پارلیمینٹ اور پی ٹی وی پر حملے کئے بلکہ انہوں نے اپنے کارکنوں کو پولیس سے چھڑواکر قانون کی دھجیاں بھی اڑائیں ہیں۔

اسلام ٹائمز۔ وفاقی وزیراطلاعت پرویز رشید کا کہنا ہے عمران خان کی سیاست صرف شریف خاندان پر جھوٹے الزامات تک محدود ہو گئی ہے اور نوازشریف عمران خان کا خوف بن گئے ہیں۔ تفصیلات کے مطابق وفاقی وزیر اطلاعت پرویز رشید کا کہنا تھا کہ عمران خان پہلے غلطی کرتے ہیں پھر معافی اور صفائی پر اتر آتے ہیں، عمران خان نے نہ صرف پارلیمینٹ اور پی ٹی وی پر حملے کئے بلکہ انہوں نے اپنے کارکنوں کو پولیس سے چھڑواکر قانون کی دھجیاں بھی اڑائیں ہیں اگر عمران خان میں اتنی جرات تھی تو لندن پولیس سے اپنا بھانجا چھڑا لیتے۔ وفاقی وزیراطلاعات کا کہنا تھا کہ دن رات انصاف کاڈھونگ رچانے والے اب انصاف ہونے پر کیوں چلا رہے ہیں کیا عمران خان قانون سے بالا تر ہیں۔ انہوں نے کہا کہ عمران خان پہلے غلطی کرتے ہیں پھر معافی مانگتے ہیں جب کہ آج صفائی دینے سے بہتر ہے کہ عمران خان اس وقت اپنے کارکناں کو نہ بھڑکاتے۔

خبر کا کوڈ: 419533