QR Code

شکار کیلئے پاکستان آنیوالے قطر کے شہزادے کی گاڑی نے 3 پاکستانیوں کو کچل ڈالا

24 Nov 2014 19:30

اسلام ٹائمز: شہزادہ قطر کا قافلہ اٹھارہ ہزاری سے واپس فیصل آباد ایئر پورٹ آرہا تھے کہ فافلے میں شامل ایلیٹ فورس کی گاڑی تیز رفتاری سے ایئر پورٹ کی جانب بڑھی تو سڑک کراس کرتے ہوئے ایک ہی موٹر سائیکل پر سوار تین نوجوانوں کو گاڑی نے ٹکر ماردی۔

اسلام ٹائمز۔ پاکستان شکار کے لئے آنیوالے شہزادہ قطر کی گاڑی کی ٹکر سے طالب علم سمیت تین افراد شدید زخمی ہوگئے، ذرائع کے مطابق قطر کے شہزادہ شیخ جاسم الثانی گزشتہ روز اپنے شاہی خاندان اور کابینہ کے اراکین کے ہمراہ پاکستان میں غیر قانو نی نایا ب پرندے ’’تلور‘‘ کا شکار کرنے کے غرض سے فیصل آباد ایئر پورٹ پر آئے، جہاں سے ایلیٹ فورس اور رینجرز کے دستوں کی حفاظت میں انہیں دوپہر سے رات گئے تک پندرہ گاڑیوں پر مشتمل قافلے کی صورت میں اٹھارہ ہزاری پہنچایا گیا، گزشتہ شام شہزادہ قطر کا قافلہ اٹھارہ ہزاری سے واپس فیصل آباد ایئر پورٹ آ رہا تھے کہ فافلے میں شامل ایلیٹ فورس کی گاڑی نمبر JGK-940 تیز رفتاری سے ایئر پورٹ کی جانب بڑھی تو ایئر پورٹ چوک میں سڑک کراس کرتے ہوئے ایک ہی موٹر سائیکل پر سوار تین نوجوانوں کو گاڑی نے ٹکر ماردی، جس کے نتیجے میں 75 ج ب سوہل کے رہائشی نویں جماعت کے طالب علم محمد سانول کی ٹانگ ٹوٹ گئی، جبکہ اس کے ساتھ شہزاد اور اسلم شدید زخمی ہوگئے۔ شہزادے کا کارواں حادثے اور زخمیوں کو نظر انداز کرتے ہوئے ایئرپورٹ روانہ ہوگیا، ریسکیو 1122 نے موقع پر پہنچ کر زخمیوں کو سول ہسپتال منتقل کردیا۔

خبر کا کوڈ: 421241