QR Code

اگر مذاکرات ہوئے تو عمران خان کو پلان ڈی کی ضرورت نہیں ہوگی، خورشید شاہ

5 Dec 2014 02:10

اسلام ٹائمز: سکھر میں اپنی رہائشگاہ پر میڈیا سے گفتگو کرتے ہوئے اپوزیشن لیڈر نے کہا کہ نئے الیکشن کمشنر کی تقرری کے لئے انہوں نے سب جماعتوں سے مشاورت کی، مگر کوشش کے باوجود مسلم لیگ قاف کے رہنماؤں سے ملاقات نہ ہوسکی۔

اسلام ٹائمز۔ قومی اسمبلی میں قائد حزب اختلاف خورشید شاہ نے کہا کہ ہے چیف الیکشن کمشنر کی تقرری کے لئےمجھے بڑے پاپڑ بیلنا پڑے۔ اگر مذاکرات ہوتے ہیں تو عمران خان کو ڈی پلان کی ضرورت نہیں پڑے گی۔ انہوں نے کہا کہ عمران خان نے سنجیدگی کا مظاہرہ کیا تو مذاکرات کامیاب ہوں گے۔ سکھر میں اپنی رہائشگاہ پر میڈیا سے گفتگو کرتے ہوئے خورشید شاہ نے کہا کہ نئے الیکشن کمشنر کی تقرری کے لئے انہوں نے سب جماعتوں سے مشاورت کی، مگر کوشش کے باوجود مسلم لیگ قاف کے رہنماؤں سے ملاقات نہ ہوسکی۔ انہوں نے کہا کہ مسخ شدہ لاشیں ملنے سے سندھ میں حالات مزید خراب ہونگے، اس سے قبل خورشید شاہ نے لاڑکانہ میں ڈاکٹر خالد محمود سومرو کے ورثاء سے تعزیت کی۔

خبر کا کوڈ: 423430