QR Code

قومی نیشنل پلان پر عمل درآمد کیلئے کسی آئینی ترمیم کی ضرورت نہیں، اعتزاز احسن

30 Dec 2014 22:46

اسلام ٹائمز: سینیٹ کے باہر میڈیا سے گفتگو میں اپوزیشن لیڈر کا کہنا تھا کہ حکومت ایک طرف ہمیں فوجی عدالتوں کا کڑوا گھونٹ پلا رہی ہے دوسری طرف وزیر داخلہ اور وزیر اعظم ایوان میں نہیں آتے۔ سانحہ پشاور کے بعد اب تک کوئی ایکشن نہیں لیا گیا۔

اسلام ٹائمز۔ سینیٹ میں اپوزیشن لیڈر و پیپلزپارٹی کے رہنما سینیٹر اعتزاز احسن نے کہا ہے کہ انسداد دہشتگردی پلان آف ایکشن پر عمل درآمد کیلئے کسی آئینی ترمیم کی ضرورت نہیں ہے۔ انہوں نے یہ بات پارلیمنٹ ہاؤس کے باہر میڈیا سے گفتگو کرتے ہوئے کہی۔ اعتزاز احسن نے کہا کہ حکومت ایک طرف ہمیں فوجی عدالتوں کا کڑوا گھونٹ پلا رہی ہے دوسری طرف وزیر داخلہ اور وزیر اعظم ایوان میں نہیں آتے۔ سانحہ پشاور کے بعد اب تک کوئی ایکشن نہیں لیا گیا، صرف کمیٹیاں بنائی گئی ہیں۔ سینیٹر اعتزاز احسن نے کہا ہے کہ حکومت کو مختصر ترمیم کی تجویز دی ہے، اطلاعات کے مطابق قومی اسمبلی کا اجلاس آئینی ترامیم بل منظور کرنے کیلئے طلب کیا گیا۔ اعتزاز احسن کا مزید کہنا تھا کہ کسی ترمیم کے بغیر 24 دسمبر کے فیصلوں کے مینڈیٹ کو پورا کیا جاسکتا ہے۔

خبر کا کوڈ: 429315