QR Code

ملٹری کورٹس کی مخالفت کرنے والے دہشتگردوں کی خاموش جماعت ہے، حاجی منظور یولتر

7 Jan 2015 23:31

اسلام ٹائمز: اے پی ایم ایل گلگت بلتستان کے رہنما نے اپنے ایک بیان میں کہا ہے کہ دہشتگردوں کی پشت پناہی کرنے والے وہی لوگ ہیں جنہوں نے قائداعظم کے پاکستان کو ابتدا میں ہی ماننے سے انکار کیا تھا۔

اسلام ٹائمز۔ آل پاکستان مسلم لیگ گلگت بلتستان کے چیف آرگنائزر حاجی منظور یولتر نے اپنے ایک بیان میں کہا کہ ملٹری کورٹس کی مخالفت کرنے والے دراصل دہشتگردوں اور طالبان کی خاموش فورس ہے انکا گھیرا تنگ کر دینا چاہیے۔ انہوں نے کہا کہ دہشتگردی اور انتہا پسندی نے ملک عزیز پاکستان کو ناقابل بیان حد تک نقصان پہنچایا اور ملک کو لہو لہان کر دیا ہے انکے حق میں گفتگو کرنے والے اور انکی پشت پناہی کرنے والے وہی لوگ ہیں جنہوں نے قائداعظم کے پاکستان کو ابتدا میں ہی ماننے سے انکار کیا تھا۔ حاجی منظور یولتر نے اپنے بیان میں کہا ہے کہ وہ جماعتیں جو ملٹری کورٹس کی مخالفت مختلف حیلوں اور بہانوں سے کر رہی ہیں دراصل دہشتگروں کو پھانسی کے پھندے پر نہیں دیکھنا چاہتی۔ پاکستان میں دہشتگردی کا واحد حل ہمہ جہت طاقت کا استعمال ہے زبان کی نوک اور مذاکرات سے کبھی دہشتگردی کو روکا نہیں جا سکتا۔

خبر کا کوڈ: 431061