QR Code

دہشتگردی کو مسلمانوں سے نہ جوڑا جائے، مالک میربت

11 Jan 2015 23:15

اسلام ٹائمز: احمد میرابت کو چارلی ہیبڈو کے دفتر پر حملے کے وقت جائے وقوعہ کے پاس طلب کیا گیا تھا جہاں وہ دہشت گردوں کی فائرنگ کا نشانہ بنے۔

اسلام ٹائمز۔ فرانس کے دارالحکومت پیرس میں ہونے والے چارلی ہیبڈو حملے میں دہشت گردوں کے ہاتھوں ہلاک ہونے والے فرانسیسی مسلمان پولیس افسر کے بھائی نے ایک جذباتی خطاب میں لوگوں سے برداشت اور بھائی چارہ قائم رکھنے کی اپیل کی ہے۔  برطانوی جریدے گارجین کے مطابق پیرس سانحہ میں دہشت گردوں کی فائرنگ سے ہلاک ہونے والے پولیس اہلکار احمد میرابت کے بھائی مالک میربت نے دہشت گردی کے خلاف جنگ میں جان قربان کرنے پر اپنے بھائی کو خراج تحسین پیش کیا ہے۔  مالک نے تمام نسل پرستوں، مخالفین اور اسلاموفوبیا کا شکار لوگوں (اسلام کی مخالفت کرنے والے افراد) کو مخاطب کرتے ہوئے کہا کہ دہشت گردی کو مسلمانوں سے نہ جوڑا جائے کیونکہ پاگل لوگوں کا کوئی رنگ اور مذہب نہیں ہوتا۔  انہوں نے مالک مساجد اور کلیساؤں پر حملوں اور انہیں جلانے کی شدید مذمت کرتے ہوئے کہا کہ تمام افراد کو ایک ہی صف میں کھڑا نہیں کیا جاسکتا ہے۔  احمد میرابت کے بھائی کا کہنا تھا کہ وہ الجیرین نژاد مسلمان خاندان سے ہیں اور ان کے بھائی کو فرانسیسی پولیس اہلکار ہونے پر فخر تھا۔  احمد میرابت کو چارلی ہیبڈو کے دفتر پر حملے کے وقت جائے وقوعہ کے پاس طلب کیا گیا تھا جہاں وہ دہشت گردوں کی فائرنگ کا نشانہ بنے۔
 
چارلی ہیبڈو سانحہ میں ہلاک ہونے والوں سے یکجہتی کے طور پر دنیا بھر میں انٹرنیٹ پر ’میں ہوں چارلی‘ (#JeSuisCharlie) کا ٹرینڈ بھی شروع کیا گیا تاہم غیر ملکی میڈیا کی جانب سے اس حملے کو اسلام کے ساتھ جوڑنے کیخلاف مسلم دنیا میں ’میں ہوں احمد‘ (#JeSuisAhmed) کا ٹرینڈ شروع کیا گیا ہے۔

خبر کا کوڈ: 431858