اسلام ٹائمز - پشاور، سیکورٹی فورسز کی چیک پوسٹ پر حملہ

اسلام ٹائمز:گورا قبرستان چیک پوسٹ کے قریب پیدل آنے والے دہشت گرد نے سیکورٹی اہلکاروں پر اچانک فائرنگ کر دی۔ فورسز نے جوابی کارروائی کرتے ہوئے حملہ آور کو ہلاک کر دیا۔

اسلام ٹائمز۔ پشاور میں دہشت گردوں نے سیکورٹی فورسز کی چیک پوسٹ پر فائرنگ کی ہے جوابی کارروائی میں حملہ آور مارا گیا، فائرنگ کے تبادلے میں قریب کھڑی ویگن میں سوار ایک شخص جاں بحق جبکہ سات زخمی ہو گئے۔ پشاور میں گورا قبرستان چیک پوسٹ کے قریب پیدل آنے والے دہشت گرد نے سیکورٹی اہلکاروں پر اچانک فائرنگ کر دی۔ فورسز نے جوابی کارروائی کرتے ہوئے حملہ آور کو ہلاک کر دیا۔ فائرنگ کے تبادلے میں چیک پوسٹ پر کھڑی مسافر ویگن میں آٹھ افراد زخمی ہوگئے جنہیں فوری طور پر لیڈی ریڈنگ ہسپتال منتقل کر دیا گیا تاہم ایک زخمی دم توڑ گیا ۔ دیگر زخمیوں کو طبی امداد دی جا رہی ہے جن میں سے دو کی حالت نازک ہے ،زخمیوں کا کہنا ہے کہ واقعے کے بعد سیکورٹی فورسز نے علاقے کو گھیرے میں لے لیا ، ادھر متنی کے علاقے میں کالعدم تنظیم کے کمانڈر علی کو پولیس نے فائرنگ کے تبادلے کے بعد گرفتار کر لیا ہے۔ شدت پسند کمانڈر دہشت گردی کی کئی وارداتوں میں مطلوب تھا اور اس کے سر کی قیمت پانچ لاکھ روپے مقرر تھی، ملزم سے مزید تفتیش جاری ہے۔