QR Code

اے پی سی میں اتفاق ہوا تھا کہ کسی جماعت کو مسلح ونگ رکھنے کی اجازت نہیں، عمران خان

21 Mar 2015 23:05

اسلام ٹائمز: بنوں میں جلسہ سے خطاب کرتے ہوئے پی ٹی آئی کے سربراہ کا کہنا تھا کہ دھرنے کی وجہ سے ہی يہ ممکن ہوسکا، دھاندلی کی تحقيقات سے جہوريت آگے بڑھے گی۔

اسلام ٹائمز۔ پاکستان تحریک انصاف کے سربراہ عمران خان کا کہنا ہے کہ کسی جماعت کو مسلح ونگز رکھنے کی اجازت نہيں، سانحہ پشاور کے بعد آل پارٹيز کانفرنس ميں سب نے اس پر دستخط کيے تھے۔ دھاندلی کی تحقيقات کيلئے جوڈيشل کميشن عوام کی فتح ہے۔ بنوں میں جلسہ سے خطاب کرتے ہوئے ان کا کہنا تھا کہ کسی کو بھی مسلح گروپ رکھنے کی اجازت نہیں، اے پی سی میں تمام جماعتوں نے اس پر اتفاق کیا تھا۔ سب برابر ہیں، چاہے حکومت کا حصہ ہوں یا اپوزیشن کا۔ ایم کیو ایم کیلئے الگ قانون نہیں، عمران خان نے جوڈيشل کميشن پر اتفاق کو عوام کی فتح قرار ديا، ان کا کہنا تھا کہ دھرنے کی وجہ سے ہی يہ ممکن ہوسکا، دھاندلی کی تحقيقات سے جہوريت آگے بڑھے گی۔ کپتان جب بنوں ميں دو ہزار دو سے بند گرلز اسکول پہنچے تو طالبات نے ان کا خيرمقدم کيا۔

خبر کا کوڈ: 449173