QR Code

مقبوضہ کشمیر میں افسپا فوج کیلئے ناگزیر ہے، منوہر پاریکر

13 May 2015 09:13

اسلام ٹائمز: ایک انٹرویو میں بھارتی وزیر دفاع کا کہنا تھا کہ کشمیر میں بھارتی فوج کو خصوصی اختیارات دینے والے قانون کے بارے کہنا تھا کہ اگر بھارتی فوج کو علاقے میں اپنی سرگرمیاں جاری رکھنی ہیں تو اسے آرمڈ فورسز اسپیشل ایکٹ کی ضرورت ہے۔

اسلام ٹائمز۔ بھارتی وزیر دفاع منوہر پاریکر نے کہاہے کہ اگرچہ آرمڈ فورسز اسپیشل پاورز ایکٹ کی منسوخی کا معاملہ وزارت داخلہ کے دائرہ کار میں آتا ہے تاہم بھارتی فوج کو مقبوضہ کشمیر میں سرگرمیاں انجام دینے کیلئے افسپا کا نفاذ ناگزیر ہے۔ منوہر پاریکر نے ایک انٹرویو میں کشمیر میں بھارتی فوج کو خصوصی اختیارات دینے والے قانون آرمڈ فورسز اسپیشل پاورز ایکٹ کے بارے میں کہا کہ علاقے میں قانون کا اطلاق جاری رکھنا یا نہ رکھنا بھارتی وزارت داخلہ کا فیصلہ ہے۔ انہوں نے کہا کہ اگر فوج کو علاقے میں اپنی سرگرمیاں جاری رکھنی ہیں تو اسے افسپا کی ضرورت ہے اور یہ ایک ایسی ضرورت ہے جس کے بغیر بھارتی فوج کام نہیں کر سکتی۔ انہوں نے کہا کہ کنٹرول لائن اور پاکستان کے ساتھ لگنے والی بین الاقوامی سرحدوں پر فی الوقت فائرنگ کے واقعات میں بہت کمی آ گئی ہے۔

خبر کا کوڈ: 460363