QR Code

یکساں نصاب اور نظام تعلیم کا نفاذ ایٹم بم سے زیادہ ضروری ہے، سراج الحق

17 May 2015 19:53

اسلام ٹائمز: امیر جماعت اسلامی کا علماء کنونشن سے خطاب کرتے ہوئے کہنا تھا کہ سیاسی اور ریاستی دبائو سے آزاد ایک ایسا سچائی کمیشن بنایا جائے جو آئے روز کے واقعات سے متعلق حقائق قوم کے سامنے رکھے۔

اسلام ٹائمز۔ جماعت اسلامی کے امیر سینیٹر سراج الحق نے کہا ہے کہ پولیس کو غیر سیاسی بنانا ہوگا، کراچی میں ایک تنظیم نے سیاسی بنیادوں پر پولیس میں ہزاروں بھرتیاں کرائیں۔ اسلام آباد میں علماء کنونشن سے خطاب کرتے ہوئے امیر جماعت اسلامی کا کہنا تھا کہ دسویں جماعت تک یکساں نصاب اور نظام تعلیم کا نفاذ ایٹم بم سے زیادہ ضروری ہے، انہوں نے مطالبہ کیا کہ سیاسی اور ریاستی دبائو سے آزاد ایک ایسا سچائی کمیشن بنایا جائے جو آئے روز کے واقعات سے متعلق حقائق قوم کے سامنے رکھے۔ سراج الحق کا کہنا تھا کہ مرکزی اور صوبائی حکومتوں کے ہنی مون کے دوسال گزر گئے ہیں، عوام کو لوڈ شیڈنگ کی عذاب سے نجات دلائیں اور آنے والے بجٹ میں دفاع کے بعد سب سے زیادہ خرچ تعلیم پر کریں۔

خبر کا کوڈ: 461409