QR Code

کوئٹہ، حالیہ دہشتگردی کے تناظر میں منہ پر نقاب، چادر ڈالنے پر پابندی

8 Jun 2015 22:57

اسلام ٹائمز: محکمہ داخلہ کے مطابق یہ پابندی کوئٹہ کے بعض علاقوں میں دہشت گردی، فرقہ وارانہ تشدد اور ٹارگٹ کلنگ کے واقعات کے بعد لگائی گئی، جس میں ملوث دہشتگردوں نے واردات کے دوران چہرے نقاب سے چھپائے ہوئے تھے۔

اسلام ٹائمز۔ کوئٹہ میں ٹارگٹ کلنگ اور دہشت گردی کے واقعات کے بعد منہ پر نقاب یا چادر ڈال کر چلنے پر پابندی عائد کردی گئی ہے۔ محکمہ داخلہ بلوچستان کے مطابق شہر میں دفعہ ایک سو چوالیس کے تحت عائد یہ پابندی ایک ہفتے تک برقرار رہے گی، تاہم اس کا اطلاق خواتین پر نہیں ہوگا۔ محکمہ داخلہ کے مطابق یہ پابندی کوئٹہ کے بعض علاقوں میں دہشت گردی، فرقہ وارانہ تشدد اور ٹارگٹ کلنگ کے واقعات کے بعد لگائی گئی، جس میں ملوث دہشتگردوں نے واردات کے دوران چہرے نقاب سے چھپائے ہوئے تھے۔ واضح رہے کہ کوئٹہ دہشت گردی کی کارروائیوں کے باعث پہلے ہی موٹر سائیکل پر ڈبل سواری، اسلحہ ساتھ لے کر چلنے اور پانچ سے زائد افراد کے اجتماع پر پابندی عائد ہے۔

خبر کا کوڈ: 465666