QR Code

کراچی، آئی جی سندھ کا رمضان المبارک میں فول پروف سیکیورٹی اقدامات کا حکم

15 Jun 2015 15:23

اسلام ٹائمز: غلام حیدر جمالی نے حساس مقامات، مساجد، امام بارگاہوں، تروایح کے اجتماعات کیلئے سیکیورٹی فول پروف بنانے کے ساتھ ساتھ زونلز ڈی آئی جیز کو شاپنگ سینٹر، حساس مقامات اور بچت بازاروں میں بھی سیکیورٹی سخت کرنے کی ہدایت دی ہے۔

اسلام ٹائمز۔ آئی جی سندھ غلام حیدر جمالی نے رمضان المبارک میں شہریوں کی سیکیورٹی کیلئے پولیس کو ہر ممکن اقدامات کرنے کے احکامات جاری کرتے ہوئے ماہ مبارک میں ٹریفک کی روانی بہتر بنانے کیلئے خصوصی انتظامات کرنے کی ہدایت کی ہے۔ رمضان المبارک کی آمد آمد ہے، شہریوں کی سیکیورٹی یقینی بنانے کیلئے آئی جی سندھ نے احکامات جاری کر دیئے ہیں، انہوں نے کہا ہے کہ افطاری سے قبل ٹریفک کی روانی برقرار رکھنے اور ٹریفک کنٹرول کرنے کیلئے خصوصی انتظامات کئے جائیں۔ آئی جی سندھ نے حساس مقامات، مساجد، امام بارگاہوں، تروایح کے اجتماعات کیلئے سیکیورٹی فول پروف بنانے کا بھی حکم دیا ہے۔ غلام حیدر جمالی نے زونلز ڈی آئی جیز کو شاپنگ سینٹر، حساس مقامات اور بچت بازاروں میں بھی سیکیورٹی سخت کرنے کی ہدایت دی ہے، جبکہ علاقوں میں اسنیپ چیکنگ اور گشت بڑھانے کا حکم دیا ہے۔

خبر کا کوڈ: 466740