QR Code

ایک ہزار سے زائد سینئر سب انسپكٹر 7 سال سے ترقیوں سے محروم

28 Jun 2015 13:02

اسلام ٹائمز: انسپكٹر کے عہدے کی سیكڑوں اسامیاں خالی پڑی ہیں اور ان پر سب انسپكٹرز فرائض انجام دے رہے ہیں، ان سب انسپكٹرز نے انسپكٹر اور ایس ایچ او کے عہدے پر ترقی كے لئے ضروری پروفیشنل اپركورس بھی كر ركھا ہے۔

اسلام ٹائمز۔ پنجاب پولیس میں انسپكٹرز کی سیکڑوں اسامیاں خالی ہونے کے باوجود ایک ہزار سے زائد سب انسپکٹر اگلے عہدوں پر ترقیوں سے محروم ہیں۔ ذرائع کے مطابق پنجاب بھر میں انسپكٹر کے عہدے کی سیكڑوں اسامیاں خالی پڑی ہیں اور ان پر سب انسپكٹرز فرائض انجام دے رہے ہیں، لیکن ایک ہزار سے زائد سینئر سب انسپكٹر گزشتہ 7 سال سے انسپكٹرز كے رینک پر ترقیوں سے محروم ہیں، ان سب انسپكٹرز نے انسپكٹر اور ایس ایچ او کے عہدے پر ترقی كے لئے ضروری پروفیشنل اپركورس بھی كر ركھا ہے۔ پنجاب حکومت نے اپر كورس كرنے والے سب انسپكٹرز كے لئے اب ایک اور كورس كرنا بھی ضروری قرار دے دیا ہے، ترقی کے خواہش مند كئی سب انسپكٹرز یہ نیا كورس بھی كرنے پر رضامند ہیں جب كہ جن سب انسپكٹرز كی ملازمتوں کی مدت کم رہ گئی ہیں، انہوں نے نئے كورس كو بھی طفل تسلی قرار دیتے ہوئے مسترد كردیا ہے۔

خبر کا کوڈ: 469807